Xalq deputatlari Sardoba tumani Kengashi huzuridagi Yoshlar maslahat guruhi tarkibi tasdiqlangan, yoshlarning ijtimoiy-siyosiy faolligini oshirish, ularning muammo va takliflarini o‘rganish hamda qo‘llab-quvvatlash borasida tizimli ishlar amalga oshirilmoqda. Mazkur maslahat guruhi yoshlar bandligini ta’minlash, ularni tadbirkorlikka jalb etish, bo‘sh vaqtlarini mazmunli tashkil qilish, sport va madaniy tadbirlarda faol ishtirokini ta’minlash kabi muhim vazifalarni amalga oshirishda faol ishtirok etmoqda.
Shuningdek, yoshlar bilan doimiy muloqot o‘rnatish, ularning huquqiy savodxonligini oshirish, iqtidorli yoshlarni qo‘llab-quvvatlash hamda “Yashil makon” umummilliy loyihasi doirasida ekologik tadbirlarni tashkil etish yo‘nalishlarida ham amaliy ishlar olib borilmoqda. Yoshlar maslahat guruhining faoliyati — yosh avlodning jamiyatda munosib o‘rin egallashi, Vatan taraqqiyotiga daxldorlik hissini kuchaytirish va kelajakka ishonchini mustahkamlashga xizmat qilmoqda.