Tibbiyot muassasasi faoliyati joyiga chiqib o‘rganildi

Xalq deputatlari Navoiy shahar Kengashi raisi Bazarov Baxtiyor Yaxshilikovich hamda Xalq deputatlari Navoiy shahar Kengashi kotibiyati mudiri Jo‘rabek Hafizov tomonidan Navoiy viloyati Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazi Navoiy viloyat filiali faoliyati joyiga chiqib o‘rganildi.

O‘rganish davomida muassasaning qabul bo‘limi faoliyati, bemorlarni qabul qilish va ularga tibbiy xizmat ko‘rsatish jarayonlari, yaratilgan shart-sharoitlar hamda moddiy-texnik bazaning bugungi holati bilan yaqindan tanishildi.

Shuningdek, muassasa rahbariyati va tibbiyot xodimlari bilan muloqot o‘tkazilib, tibbiy xizmat ko‘rsatish sifati, bemorlar uchun yaratilgan sharoitlar hamda muassasa faoliyatini yanada takomillashtirishga oid masalalar yuzasidan fikr almashildi.

O‘rganish davomida bildirilgan taklif va mulohazalar tegishli tartibda qayd etildi.