Navbatdagi uchrashuvda tuman hokimi, Xalq deputatlari Yunusobod tuman Kengashi deputati Abrorxo‘ja Saidaliyev yoshlar bilan yuzma-yuz suhbatlashdi.

Uchrashuv davomida yoshlarning hayotda o‘z munosib yo‘lini topishi, jamiyatning faol a’zosiga aylanishi, bandligini ta’minlash, kasb-hunarga yo‘naltirish, ta’lim olishi va ijtimoiy qo‘llab-quvvatlanishi masalalariga alohida e’tibor qaratildi.

Samimiy muloqot jarayonida yoshlarning qiziqishlari, takliflari va murojaatlari tinglanib, ularga zarur tavsiyalar berildi. Shuningdek, murakkab vaziyatga tushib qolgan yoshlarni qo‘llab-quvvatlash, ularning bandligini ta’minlash va mavjud imkoniyatlardan samarali foydalanish yuzasidan amaliy choralar belgilandi.

Mazkur uchrashuv “Yoshlarga oid davlat siyosati to‘g‘risida”gi Qonun, “Mahalliy davlat hokimiyati to‘g‘risida”gi Qonun, “Aholi bandligi to‘g‘risida”gi Qonun, “Jismoniy va yuridik shaxslarning murojaatlari to‘g‘risida”gi Qonun hamda “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunda belgilangan yoshlarni qo‘llab-quvvatlash, ularning huquq va manfaatlarini himoya qilish, murojaatlarini o‘rganish hamda bandligiga ko‘maklashish vazifalariga muvofiq tashkil etildi.

✅ Bunday ochiq muloqotlar yoshlarni ezgu maqsadlar sari birlashtirish, ularning kelajakka ishonchini mustahkamlash hamda tuman rahbariyati doimo yoshlar bilan birga ekanini amalda ko‘rsatishga xizmat qiladi.

Bizni kuzatishda davom eting!