Xalq deputatlari Uchko‘prik tumani Kengashining navbatdagi o‘ttiz uchinchi sessiyasi bo‘lib o‘tdi.

Unda xalq deputatlari tuman Kengashi deputatlari, tuman hokimining o‘rinbosarlari, kun tartibidagi masalalarga aloqador davlat va jamoat tashkilotlari vakillari ishtirok etdi.

Sessiya ishida tumanda uy-joy qurilishi va ipoteka bozorini rivojlantirishga doir ustuvor vazifalarning amalga oshirilishi ustidan deputatlik va jamoatchilik nazoratini kuchaytirish to‘g‘risida;

tumanda “Saxovat va ko‘mak” jamg‘armasida shakllangan umumiy mablag‘lar doirasida amalga oshirilgan ishlar to‘g‘risida;

O‘zbekiston Respublikasi Prezidentining tumandagi Xalq qabulxonasining axborotini, tuman hokimi hamda tumandagi davlat organlari va tashkilotlari rahbarlarining hisobotlarini eshitish tartibini tasdiqlash to‘g‘risida;

xalq deputatlari tuman Kengashi deputatlarining saylovchilar oldida o‘z faoliyati va kelgusidagi rejalar yuzasidan axborot berishning 2026-yilning uchinchi choragi uchun ishlab chiqilgan reja-grafigini tasdiqlash to‘g‘risidagi masalalar ko‘rib chiqildi.

Sessiya yakunida ko‘rib chiqilgan masalalar yuzasidan xalq deputatlari tuman Kengashining tegishli qarorlari qabul qilindi.