Xalq deputatlari Jondor tumani Kengashiga O‘zbekiston Ekologik partiyasidan saylangan deputatlarning partiya guruhi tomonidan deputatlik nazoratining samarali shakllaridan biri sifatida Buxoro viloyati Ekologiya, atrof-muhitni muhofaza qilish va iqlim o‘zgarishi boshqarmasi Jondor tuman bo‘limi boshlig‘i B.Qurbonovning 2026 yilning birinchi yarim yilligi davomida amalga oshirilgan ishlar yuzasidan hisoboti nazorat tartibida o‘rganilmoqda.
✔️O‘rganish jarayonida tuman hududida atrof-muhitni muhofaza qilish, ekologik qonunchilik talablariga rioya etilishini ta’minlash, noqonuniy chiqindi tashlash holatlarining oldini olish, yashil hududlarni kengaytirish, daraxt va butalarni muhofaza qilish, aholi o‘rtasida ekologik madaniyatni yuksaltirish hamda iqlim o‘zgarishi oqibatlarini yumshatishga qaratilgan chora-tadbirlarning amalga oshirilishi yuzasidan ma’lumotlar tahlil qilinmoqda.
✔️Shuningdek, hisobotda belgilangan vazifalarning ijrosi, aniqlangan kamchiliklarni bartaraf etish bo‘yicha ko‘rilgan choralar, davlat ekologik nazorati samaradorligi, aholi murojaatlari bilan ishlash holati hamda sohada amalga oshirilayotgan amaliy ishlar deputatlar tomonidan atroflicha o‘rganilmoqda.
✔️Partiya guruhi a’zolari tomonidan o‘rganish natijalari asosida soha faoliyatini yanada takomillashtirish, ekologik nazoratni kuchaytirish, aholi uchun qulay va sog‘lom ekologik muhitni shakllantirishga qaratilgan taklif va tavsiyalar ishlab chiqiladi hamda ularning ijrosi yuzasidan deputatlik nazorati davom ettiriladi.
✔️Mazkur nazorat tadbiri ekologik xavfsizlikni ta’minlash, tabiiy resurslardan oqilona foydalanish va hududning ekologik barqarorligini mustahkamlashga xizmat qilishi bilan ahamiyatlidir.