Xalq deputatlari Jondor tumani Kengashiga 20-Zarafshon saylov okrugidan saylangan deputat M.Hojiyeva hamda tuman Kengashi kotibiyati bosh mutaxassisi J.Norovlar hamkorligida "Navgadi" mahallasi hududida amalga oshirilayotgan investitsiya loyihalari, xususan ko‘p qavatli uy-joylar qurilishi holati joyiga chiqqan holda o‘rganildi.
🔹O‘rganish davomida qurilish ishlarining borishi, belgilangan reja-jadvalga muvofiqligi, qurilish sifati, muhandislik-kommunikatsiya tarmoqlarini tortish ishlari hamda obyektlarda mehnat xavfsizligi talablariga rioya etilishi yuzasidan tahlillar olib borildi.
🔹Shuningdek, mas’ul tashkilotlar va qurilish ishlarini amalga oshirayotgan pudratchi tashkilot vakillari bilan muloqot qilinib, qurilish ishlarini belgilangan muddatlarda sifatli yakunlash, mavjud kamchiliklarni o‘z vaqtida bartaraf etish hamda aholi uchun zamonaviy va qulay yashash sharoitlarini yaratish yuzasidan tegishli tavsiya va takliflar bildirildi.
🔹Xalq deputatlari Jondor tumani Kengashi tomonidan hududlarda amalga oshirilayotgan investitsiya loyihalarining borishi ustidan deputatlik nazorati muntazam ravishda amalga oshirilib, aholi manfaatlariga xizmat qiluvchi qurilish ishlarining o‘z vaqtida va sifatli bajarilishiga alohida e’tibor qaratib kelinmoqda.