Xalq deputatlari Bekobod shahar kengashi 23-“Farhod” saylov okrugi deputati Ekologik partiyasi a’zosi D.Vaxobjonov va kengash kotibiyati bosh mutaxassisi U.Abdunazarov tomonidan Bekobod shahrida joylashgan muzey faoliyati bilan tanishildi. “O‘zmetkombinat” AJ tarixi muzeyi shahrimizning madaniy-ma’rifiy maskanlaridan biridir. Nafaqat metallurglar, balki shahar mehmonlarining ham muzeyga tashrif buyurishlari an’ana bo‘lib qolgan. Muzeyda noyob fotosuratlar va hujjatlarni, korxonaning qurilishidan tortib, ayni paytdagi faoliyati, ishlab chiqarayotgan mahsulotlar, taniqli metallurglar to‘g‘risida to‘liq ma’lumotlar mavjud. Muzeyga yiliga o‘rta hisobda 3000 dan ortiq kishi tashrif buyuradi. Yoshlarni yangi yutuqlarga ilhomlantiradi va o‘tmish, bugun va kelajak o‘rtasidagi uzviy bog‘liqlikni ta’minlaydi.