Beshqayragʻoch mahallasida ijtimoiy xizmatlar sifati deputatlik nazorati doirasida o‘rganildi

📂 Xalq deputatlari Uchtepa tumani Kengashi deputatlarining 24 ta tavsiyasi ijrosini ta’minlash hamda aholining ijtimoiy himoyaga muhtoj qatlamlariga ko‘rsatilayotgan xizmatlar sifatini oshirish maqsadida tumandagi Beshqayragʻoch mahallasiga o‘rganishga chiqildi.

📊 O‘rganish davomida mahalladagi ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan xizmatlarning sifati, fuqarolarning murojaatlariga o‘z vaqtida munosabat bildirilishi, kam ta’minlangan oilalarga ijtimoiy nafaqalar va moddiy yordam tayinlash hamda ularning belgilangan tartibda to‘lanishi holati o'rganildi.

📇 Shuningdek, ijtimoiy xizmatlarni tashkil etishda amaldagi tartib va mezonlarga rioya etilishi, ehtiyojmand oilalarning haqiqiy holatini o‘rganish, ularga ko‘rsatilayotgan manzilli yordamning samaradorligi hamda ijtimoiy qo‘llab-quvvatlash tizimining amaliy natijalari yuzasidan mas’ullar bilan fikr almashildi. Aniqlangan holatlar bo‘yicha tegishli tavsiyalar berilib, mavjud kamchiliklarni bartaraf etish hamda xizmatlar sifatini yanada oshirish yuzasidan zarur chora-tadbirlar belgilandi.

🇺🇿 Mazkur o‘rganishda xalq deputatlari Uchtepa tumani Kengashiga O‘zbekiston Milliy tiklanish demokratik partiyasidan saylangan "7-Beshqayragʻoch" okrugi deputati Xaydarova Ziyoda Tolipovna, Kengash kotibiyati bosh mutaxassisi Umidbek Abilov hamda "Mahalla yettiligi" a’zolari ishtirok etdi.

↗️ Mazkur o‘rganish deputatlik nazorati doirasida aholining ijtimoiy himoyasini kuchaytirish, davlat tomonidan ajratilayotgan ijtimoiy yordamlarning manzilliligini ta’minlash va mahallalarda ijtimoiy xizmatlar sifatini yanada oshirishga xizmat qiladi.