Xalq deputatlari Nurobod tumani Kengashi deputati X.Xazratova tumandagi Davlat xizmatlari markazida bo‘lib, bugungi kunda fuqarolarga ko‘rsatilayotgan davlat xizmatlari, yaratilgan qulayliklar hamda xizmat ko‘rsatish sifati bilan tanishdi.

Tashrif davomida deputat tomonidan markazda aholiga ko‘rsatilayotgan davlat xizmatlarining tezkorligi va sifati, fuqarolar murojaatlarini qabul qilish va ko‘rib chiqish tartibi, elektron xizmatlardan foydalanish imkoniyatlari hamda aholiga yaratilgan shart-sharoitlar atroflicha o‘rganildi.

Shuningdek, Davlat xizmatlari markazida nogironligi bo‘lgan shaxslar, keksalar va aholining boshqa toifalari uchun yaratilgan qulayliklar, kutish zallari, elektron navbat tizimi va fuqarolarga ko‘rsatilayotgan maslahat xizmatlari bilan yaqindan tanishildi.

Deputat X.Xazratova tomonidan markaz faoliyatini yanada takomillashtirish, fuqarolarga ko‘rsatilayotgan xizmatlar sifatini oshirish hamda aholiga yanada qulay shart-sharoitlar yaratish yuzasidan tegishli tavsiya va takliflar bildirildi.

Ta’kidlash joizki, davlat xizmatlarini aholiga sifatli, tezkor va shaffof tarzda ko‘rsatish, fuqarolar uchun qulay sharoitlarni yaratish davlat organlari faoliyatining muhim yo‘nalishlaridan biri hisoblanadi.