Xalq deputatlari Chinoz tumani Kengashining ish rejasiga asosan tumandagi nogironligi bo‘lgan shaxslarga davlat tomonidan belgilangan imtiyoz va ijtimoiy xizmatlarning to‘g‘ri hamda manzilli qo‘llanilishi holatini o‘rganish maqsadida Sutbuloq mahalla fuqarolar yig‘inida o'rganish ishlari olib borildi.

O‘rganish jarayonida mahalla hududida yashovchi nogironligi bo‘lgan fuqaroning yashash sharoiti, unga ko‘rsatilayotgan ijtimoiy yordam va xizmatlar, davlat tomonidan ajratilgan imtiyozlardan foydalanish holati hamda mavjud muammolar joyiga chiqqan holda o‘rganildi.

Mazkur o‘rganishda Xalq deputatlari Chinoz tumani Kengashi raisi A.Turdiboyev, Chinoz tumani Inson ijtimoiy xizmatlar markazi direktori Sh.Ro‘ziqoriyev, Chinoz tumani Mahalla uyushmasi bo‘lim boshlig‘i Sh.Mamajonov, Sutbuloq mahalla fuqarolar yig‘ini raisi X.Aksakalov, mahalladagi hokim yordamchisi A.Shakirov hamda ijtimoiy xodim G.Tojikulova ishtirok etdi.

O‘rganish davomida fuqaro bilan suhbat o‘tkazilib, uning ehtiyojlari, turmush sharoiti va ijtimoiy qo‘llab-quvvatlashga oid masalalar muhokama qilindi. Aniqlangan muammolarni bartaraf etish hamda fuqaroning ijtimoiy himoyasini yanada kuchaytirish yuzasidan tegishli mutasaddilarga tavsiya va topshiriqlar berildi.