Deputatlik nazorati doirasida infratuzilma loyihasi o‘rganildi
Xalq deputatlari Qo‘shko‘pir tuman Kengashi deputati N. Baymuratova hamda kotibiyat bosh mutaxassisi S. Matyaqubova Ayronko‘l mahallasida bo‘lib, hududda amalga oshirilayotgan bunyodkorlik ishlari bilan yaqindan tanishdilar.
Xususan, dastur asosida mahalladagi 1,8 kilometr uzunlikdagi markaziy yo‘l bo‘yida trotuar qurilishi ishlari boshlangan bo‘lib, mazkur loyihaning amalga oshirilish jarayoni deputatlik nazorati doirasida o‘rganildi.
O‘rganish davomida bajarilayotgan ishlarning sifati, belgilangan muddatlarga rioya etilishi hamda mazkur loyiha aholining xavfsiz va qulay harakatlanishini ta’minlashdagi ahamiyatiga alohida e’tibor qaratildi. Hududlarda infratuzilmani rivojlantirish va fuqarolar uchun munosib shart-sharoitlar yaratishga qaratilgan bunday loyihalar ustidan jamoatchilik va deputatlik nazoratini kuchaytirish ustuvor vazifalardan biri ekanligi ta’kidlandi.