Xalq deputatlari Marg‘ilon shahar Kengashi kotibiyat mudiri A.Ermatov, 23-Chilonzor saylov okrugi deputati E.Yunusov hamda deputatlar A.Mahkamov va X.Abdurahmonov tomonidan Chilonzor mahalla fuqarolar yig‘ini hududida joylashgan Shahar Axborot-kutubxona markazi filiali faoliyati o‘rganildi.

O‘rganish davomida kutubxona filialining moddiy-texnik bazasi, kitob fondi hamda kitobxonlar uchun yaratilgan sharoitlar bilan yaqindan tanishildi. Qayd etilishicha, filial fondida 9 mingdan ortiq turdagi kitoblar mavjud bo‘lib, ularning asosiy qismini rus tilidagi badiiy va ilmiy adabiyotlar tashkil etadi.

Shuningdek, kutubxona faoliyatiga salbiy ta’sir ko‘rsatayotgan elektr ta’minoti bilan bog‘liq muammo ham muhokama qilindi. Mazkur masala yuzasidan 23-Chilonzor saylov okrugi deputati E.Yunusovning Deputatning ko‘cha aylanish daftariga qayd etildi va tegishli mas’ul tashkilotlar bilan uchrashuv o‘tkazish va muammoni bartaraf etish choralarini ko‘rish belgilandi.

Deputatlar kutubxona faoliyatini yanada rivojlantirish, kitobxonlar uchun qulay sharoitlarni kengaytirish hamda mavjud muammolarni tizimli hal etish bo‘yicha mutasaddi tashkilotlar bilan hamkorlikni kuchaytirish zarurligini ta’kidladilar. Mazkur yo‘nalishdagi ishlar deputatlik nazoratida davom ettiriladi.