Xalq deputatlari Taxiatosh tumani Kengashi raisi, Oʻzbekiston Liberal-demokratik partiyasidan saylangan deputat Xidirbayev Rashid Xidirbayevich kotibiyat bosh mutaxassisi D.Xodjanov bilan birgalikda “Nurli kelajak” MFYda ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan xizmatlar sifatini o‘rgandi.

🏠 O‘rganish ishlari fuqaro D.Xojabayeva xonadonidan boshlandi. Tashrif davomida ijtimoiy xodim ko‘magida fuqaroga bolalar nafaqasi tayinlash, yuridik xizmatlardan foydalanish hamda jarrohlik amaliyoti uchun 20 mln 600 ming so‘m miqdorida moliyaviy yordam olish bo‘yicha amaliy ko‘mak ko‘rsatilgani qayd etildi.

🔍 O‘rganish davomida ijtimoiy xizmatlarning manzilliligi va samaradorligiga alohida e’tibor qaratilib, ehtiyojmand fuqarolarni har tomonlama qo‘llab-quvvatlash bo‘yicha amalga oshirilayotgan ishlar joyida ko‘zdan kechirildi.

🤝 Bu kabi o‘rganishlar ijtimoiy himoyaga muhtoj fuqarolarga ko‘rsatilayotgan xizmatlar sifatini yanada oshirish va mavjud muammolarni o‘z vaqtida bartaraf etishga xizmat qiladi.