“Taǵjap” APJ aymaǵındaǵı qurılıs jumısları menen jaqınnan tanıstı.

♻️ Qaraqalpaqstan Respublikası Joqarǵı Keńesi 58-sanlı “Tazajol” saylaw okruginen deputatı F.Palvanova “Taǵjap” APJ aymaǵındaǵı qurılıp atırǵan mektepke shekemgi bilimlendiriw shólkeminiń qurılıs obektinde bolıp, ámelge asırılıp atırǵan jumısları menen jaqınnan tanıstı.

Úyreniw dawamında qurılıstıń barısı, orınlanıp atırǵan jumıslardıń sapası, paydalanılıp atırǵan qurılıs materialları hám obektti belgilengen múddette paydalanıwǵa tapsırıw boyınsha juwapkerler menen sáwbetlesti. Deputat qurılıs jumısların sapalı hám belgilengen múddetlerde juwmaqlaw, qáwipsizlik jáne qurılıs normalarına qatań ámel etiw boyınsha juwapkerlerge tiyisli usınıslar berdi.

Bul MShBSh paydalanıwǵa tapsırılǵannan soń, aymaqtaǵı balalardı mektepke shekemgi bilimlendiriw menen qamtıp alıw dárejesin arttırıw hám olarǵa zamanagóy tálim-tárbiya sharayatların jaratıwǵa xızmet etedi.