Ózbekstan XDP Bozataw rayonlıq Keńesi baslaması menen "Ózbekstan Respublikası Prezidentiniń "Máhálleni rawajlandırıw hám jámiyetti jetilistiriw" jılında tiykarǵı jónelisler boyınsha reformalar baǵdarlaması hám "Ózbekstan-2030" strategiyasın ámelge asırıw boyınsha mámleketlik dastur tuwrasında"ǵı pármanınıń mazmun-mánisi partiya elektoratı arasında keń úgit-nasiyatlawǵa baǵıshlanǵan ilaj shólkemlestirildi. 

Jańa Ózbekstannıń rawajlanıw strategiyasın ámelge asırıw procesinde arttırılǵan tájiriybe hám jámiyetlik dodalaw nátiyjeleri tiykarında islep shıǵılǵan "Ózbekstan -2030" strategiyası ózinde tómendegi tiykarǵı ideyalardı sáwlelendirgen.

-turaqlı ekonomikalıq ósiw arqalı dáramatı ortashadan joqarı bolǵan mámleketler qatarınan orın alıw; 

-xalıqtıń talaplarına hám xalıqaralıq standartlarǵa tolıq juwap beretuǵın bilimlendiriw, medicina hám sociallıq qorǵaw sistemasın shólkemlestiriw; 

-xalıq ushın qolaylı ekologiyalıq sharayatlardı jaratıw; 

-xalıq xızmetindegi ádil hám zamanagóy mámleketti qurıw; 

-mámlekettiń suvereniteti hám qáwipsizligin kepillikli támiyinlew. 

"Ózbekstan - 2030" strategiyası tómendegi 5 tiykarǵı baǵdardan ibarat: 

hár bir insanǵa óz potencialın júzege shıǵarıw ushın múnásip sharayatlar jaratıw; 

turaqlı ekonomikalıq ósiw arqalı xalıqtıń abadanlıǵın támiyinlew; 

suw resursların únemlew hám qorshaǵan ortalıqtı qorǵaw; 

nızam ústinligin támiyinlew, xalıq xızmetindegi mámleketlik basqarıwdı shólkemlestiriw; 

"qáwipsiz hám tınıshlıq súyiwshi mámleket" principine tiykarlanǵan siyasattı izbe-iz dawam ettiriw. Prezident pármanı menen "Ózbekstan - 2030" strategiyasın ámelge asırıw hám onıń maqsetli kórsetkishlerine erisiw barlıq mámleketlik uyımlar hám onıń maqsetli kórsetkishlerine erisiw barlıq mámleketlik uyımlar hám shólkemlerdiń jumısında eń tiykarǵı wazıypa etip
belgilengen. 

 Ilajda ,Ózbekstan XDP Bozataw rayonlıq Keńesi baslıǵı, ÓzXDP rayonlıq Keńesindegi partiya toparı baslıǵı G.Yusupova "Ózbekstan Respublikası
Prezidentiniń "Máhálleni rawajlandırıw hám jámiyetti jetilistiriw" jılında tiykarǵı jónelisler boyınsha reformalar dasturleri hám "Ózbekstan-2030" strategiyasın ámelge asırıw boyınsha mámleket baǵdarlamasınıń mazmun-mánisi hám tiykarǵı wazıypalar haqqında bayanat jasadı. 

Ilaj dawamında bir qatar deputatlar hám partiya Keńesi wakilleri pikir-usınıslar bildirip ótti.