Xalq deputatlari Bag‘dod tumani Kengashi deputati G‘. Abdullayev Qo‘shtegirmon–2 mahalla fuqarolar yig‘inida “mahalla yettiligi” a’zolari bilan uchrashuv o‘tkazdi.

        Uchrashuv davomida mahallada amalga oshirilayotgan ijtimoiy-iqtisodiy islohotlar, aholining turmush sharoitini yaxshilash, yoshlar va xotin-qizlar bilan ishlash, bandlikni ta’minlash, ijtimoiy muammolarni joyida hal etish masalalari muhokama qilindi. Deputat G‘.Abdullayev mahalla yettiligi faoliyatining ahamiyatiga to‘xtalib, davlat organlari va mahalla o‘rtasidagi hamkorlikni yanada mustahkamlash zarurligini ta’kidladi. Uchrashuvda mahalla faollari tomonidan bildirilgan taklif va muammolar tinglanib, ularni bartaraf etish yuzasidan tegishli mutasaddi tashkilotlarga bog‘lanib hal etish choralari belgilandi. Ayrim masalalar bo‘yicha joyida tushuntirishlar berildi.

       Shuningdek, deputat “Qishloq tarixiy muzeyi”ga borib, unda olib borilayotgan ta’mirlash ishlarini ko‘zdan kechirdi.