Ochiq va samimiy ruhda o‘tgan uchrashuv davomida aholi vakillari o‘zlarini qiynab kelayotgan dolzarb masalalarni bevosita rahbarlarga yetkazish imkoniga ega bo‘ldi. Murojaatlarning asosiy qismini ichki yo‘llarni ta’mirlash, uy-joylarni kadastr hujjatlariga rasmiylashtirish, ichimlik suvi ta’minotini yaxshilash hamda elektr energiyasi uzluksizligini ta’minlash masalalari tashkil etdi.

Qabulda jami 34 nafar fuqaro ishtirok etdi. Ularning 29 ta murojaati rasmiy ro‘yxatga olinib, ko‘plab masalalar mas’ul tashkilotlar vakillari ishtirokida shu yerning o‘zida ijobiy hal qilindi. Qolgan murojaatlar yuzasidan tegishli idoralarga aniq topshiriqlar berilib, ularning ijrosi qat’iy nazoratga olindi.

✍️Oltinsoy tumani Kengash Kotibiyati Axborot xizmati