#ekspert_guruhi
#doimiy_komissiya
#yoshlar_maslahat_guruhi
#deputatlik_nazorati


INVESTITSIYA FAOLIYATI DEPUTATLIK NAZORATIDA

O‘zbekiston Respublikasining 25.12.2019-yildagi O‘RQ-598-sonli “Investitsiyalar va investitsiya faoliyati to‘g‘risida”gi Qonunining 30-moddasiga asosan, Xalq deputatlari Kogon shahar Kengashi deputatlari Sh. Isamutdinov, D. Arabova hamda Kengash kotibiyati bosh mutaxassisi I. Ikromov tomonidan “Master Innovation” qo‘shma korxonasining faoliyati o‘rganildi.

O‘rganish davomida korxonaning ishlab chiqarish yo‘nalishi, mavjud ishlab chiqarish quvvatlari, mahsulotlarning sifati, zamonaviy texnologiyalardan foydalanish holati hamda ishlab chiqarish jarayonlarining tashkil etilishi bilan yaqindan tanishildi.

“Master Innovation” qo‘shma korxonasi sement-beton ishlab chiqarishda foydalaniladigan qo‘shimcha mahsulotlarni ishlab chiqarishga ixtisoslashgan bo‘lib, korxona faoliyatida zamonaviy ishlab chiqarish texnologiyalaridan foydalanishga alohida e’tibor qaratilmoqda.

O‘rganish jarayonida ishlab chiqarish hajmini oshirish, mahsulot sifatini yanada yaxshilash, mahalliy xomashyo va zamonaviy texnologiyalardan samarali foydalanish hamda yangi imkoniyatlarni ishga solish masalalariga e’tibor qaratildi.

Mahalliy ishlab chiqarishni rivojlantirish, investitsiya loyihalarini samarali amalga oshirish, yangi ishlab chiqarish quvvatlarini yaratish va zamonaviy texnologiyalarni amaliyotga keng joriy etish Kogon shahrining iqtisodiy salohiyatini yuksaltirishga xizmat qiladi.


Xalq deputatlari
Kogon shahar Kengashi
axborot xizmati

Telegram. Instagram. Facebook. Youtube. E-kengash