Xalq deputatlari Qo‘qon shahar Kengashi deputati Sh.Rasulova tomonidan “Parpashabof” mahalla fuqarolar yig‘ini, Obod yurt ko‘chasida navbatdagi o‘rganish ishlari olib borildi.

O‘rganish davomida Obod yurt ko‘chasi 5-uyda istiqomat qiluvchi M.Rizayev xonadonining yashash sharoiti va uy-joy holati ko‘zdan kechirildi.

O‘rganish jarayonida xonadonning ta’mirtalab holatda ekani aniqlanib, fuqaroning ijtimoiy holatini yaxshilash maqsadida tegishli tartibda ijtimoiy reyestrga kiritish ishlari amalga oshirildi.

Shuningdek, xonadonni ta’mirlash uchun zarur mablag‘ ajratish masalasi deputat Sh.Rasulova tomonidan nazoratga olindi.

Mazkur masala yuzasidan tegishli mutasaddi tashkilotlar bilan hamkorlikda amaliy choralar ko‘rish hamda fuqaroning murojaatini ijobiy hal etish bo‘yicha ishlar davom ettiriladi.

Uchrashuv va o‘rganish ishlariga Xalq deputatlari Qo‘qon shahar Kengashi kotibiyati mudiri A.Nosirov tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi