🏛 Xalq deputatlari Yashnobod tumani Kengashi qarori bilan tasdiqlangan reja-grafikka muvofiq deputat Sardor Suvonqulov saylovchilar bilan uchrashib, 2026-yilning ikkinchi choragidagi deputatlik faoliyati yuzasidan hisobot berdi.

📝 Uchrashuvda tuman hokimligi mas’ul xodimlari, "mahalla yettiligi" vakillari, nuroniylar va fuqarolar ishtirok etdi. Deputat hisobot davrida saylovchilar bilan uchrashuv va qabullar o‘tkazilgani, murojaatlar o‘rganilib, ular yuzasidan deputatlik nazorati o‘rnatilgani hamda tegishli idoralarga deputatlik so‘rovlari yuborilganini ma’lum qildi.

🗣 Shuningdek, Kengash sessiyalari va doimiy komissiyalar faoliyatida hududlarni rivojlantirish, mahalliy budjet, tibbiyot, kommunal infratuzilma, ichki yo‘llarni ta’mirlash, obodonlashtirish, yoshlar bandligi va jinoyatchilik profilaktikasi bo‘yicha ilgari surilgan takliflar hamda qarorlar ijrosi ustidan olib borilayotgan deputatlik nazorati haqida axborot berdi.

🤝 Ochiq muloqotda fuqarolar tomonidan ichki yo‘llar, boshqaruv servis kompaniyasi faoliyati, elektr energiyasi, ichimlik va oqova suv tarmoqlari, obodonlashtirish hamda bolalar maydonchalari yuzasidan murojaatlar bildirildi. Xususan, "Parvoz" mahallasidagi muammolar muhokama qilinib, BSK rahbari ishtirokida tegishli topshiriqlar berildi.

✅ Yakunda deputatning axboroti ma’lumot uchun qabul qilinib, hududdagi muammolarni bartaraf etish va ularning ijrosini doimiy deputatlik nazoratida olib borish bo‘yicha vazifalar belgilandi.