Tuman Kengashi deputati J. Allayorova tomonidan Ziyokor mahallasida profilaktika inspektori bilan hamkorlikda “Mahalliy Kengash deputati faoliyatining eng muhim yo‘nalishlari bo‘yicha tavsiyalar” asosida “24 ta tavsiya” ijrosini ta’minlash yuzasidan o‘rganish ishlari olib borildi.

O‘rganish davomida hududdagi jinoyatchilikka qarshi kurashish va huquqbuzarliklarning oldini olish holati, “qizil” va “sariq” toifadagi hududlarda jinoyatchilikni bartaraf etish borasida amalga oshirilayotgan ishlar ko‘rib chiqildi.

Ta’kidlash joizki, bugungi kunda Ziyokor mahallasi jinoyatchilik bo‘yicha “yashil” toifaga kiritilgan. Ushbu ijobiy natijani saqlab qolish va hududda huquqbuzarliklarning oldini olish bo‘yicha profilaktik ishlarni izchil davom ettirish muhimligi qayd etildi.

Shuningdek, yo‘l-transport hodisalarining oldini olish va piyodalar xavfsizligini ta’minlash masalalariga ham alohida e’tibor qaratildi. Avval bildirilgan murojaat asosida hozirgi kunda hududda piyodalar yo‘lakchasi qurilayotgani qayd etildi.

Bundan tashqari, maktab hududida o‘quvchilar va piyodalar xavfsizligini ta’minlash maqsadida “aqlli svetofor” o‘rnatish zarurati qayd etildi.

O‘rganish yakunlari bo‘yicha mavjud muammolarni bartaraf etish, mahallada erishilgan ijobiy natijalarni yanada mustahkamlash, jinoyatchilik va huquqbuzarliklarning oldini olish hamda yo‘l harakati xavfsizligini ta’minlash yuzasidan tegishli tavsiya va takliflar bildirildi.

Xalq deputatlari Boyovut tumani Kengashi kotibiyati