#_deputat_faoliyati #_24_ta_masala #_kotibiyat_xodimi_faoliyati #_sessiya_kun_tartibiga_kiritilgan_masala
Mahalla obodligi — deputat e’tiborida

Xalq deputatlari Sariosiyo tumani Kengashiga 23-“Aeroport” saylov okrugidan saylangan deputat N.Chorshanbiyeva hamda kotibiyat bosh mutaxassisi N.Xamdamova tomonidan tuman Kengashining 2026-yilga mo‘ljallangan ish rejasining 41-bandi ijrosini ta’minlash maqsadida “Aeroport” mahallasida obodonlashtirish va ko‘kalamzorlashtirish ishlari tashkil etildi.

Tadbir davomida mahalla hududini yanada obod va ko‘rkam maskanga aylantirish, ko‘chalar va jamoat joylarini tartibga keltirish, sanitariya-tozalik holatini yaxshilash, atrof-muhit musaffoligini ta’minlash hamda yashil hududlarni kengaytirishga alohida e’tibor qaratildi.

Obodonlashtirish ishlariga mahalla faollari, fuqarolar va jamoatchilik vakillari keng jalb etilib, hududda tozalash va tartibga keltirish ishlari amalga oshirildi. Shuningdek, mavjud daraxt va butalar parvarishlanib, yangi ko‘chatlar ekildi hamda hududni ko‘kalamzorlashtirish bo‘yicha tegishli ishlar olib borildi.

Deputat N.Chorshanbiyeva hududdagi obodonlashtirish ishlarining borishi bilan yaqindan tanishib, mahalla aholisi bilan muloqot qildi, ularning taklif va murojaatlarini tingladi. Muloqot davomida hududdagi mavjud muammolar o‘rganilib, ularni bartaraf etish, mahallada aholi uchun qulay va munosib yashash sharoitlarini yaratish yuzasidan mas’ullarga tegishli tavsiya va takliflar bildirildi.

Shuningdek, obodonlashtirish ishlarini doimiy va tizimli ravishda davom ettirish, hududdagi yashil maydonlarni asrab-avaylash hamda jamoat joylarining sanitariya holatini nazorat qilib borish bo‘yicha tegishli vazifalar belgilab olindi.

Bunday amaliy ishlar mahallada tozalik, obodlik va ko‘kalamzorlashtirishni ta’minlash bilan bir qatorda, aholining o‘z hududiga daxldorlik hissini kuchaytirish, jamoatchilik faolligini oshirish hamda atrof-muhitga mas’uliyatli munosabatni shakllantirishga xizmat qiladi.
Mahalla obodligi — barchamizning umumiy mas’uliyatimiz.