Xalq deputatlari Jondor tumani Kengashi deputati I. Xolov hamda O‘zbekiston XDP Jondor tumani kengashi raisi B. Enazarovlar hamkorligida  2026–2027-yillar kuz-qish mavsumiga tayyorgarlik koʻrish boʻyicha Prezident Shavkat Mirziyoyev raisligida 2026-yil 6-iyul kuni bo‘lib o‘tgan selektor yig‘ilishi ijrosini Jondor tumanida ta’minlash maqsadida Bahoriston mahallasi hududida joylashgan ijtimoiy soha obektlarining kuz-qish mavsumiga tayyorgarlik holati o‘rganildi.
🌏O‘rganishlar davomida ta’lim, tibbiyot va boshqa ijtimoiy muassasalarda isitish tizimlarining shayligi, tom qismlari, elektr ta’minoti, ichimlik suvi va sanitariya holati, shuningdek, mavsumga tayyorgarlik yuzasidan amalga oshirilayotgan ishlar ko‘zdan kechirildi.
🌏Mas’ullar bilan o‘tkazilgan muloqotlarda elektr energiyasi va issitish tizimidagi aniqlangan kamchiliklarni qisqa muddatlarda bartaraf etish, muassasalarni barqaror faoliyat yuritishi uchun zarur shart-sharoitlarni yaratish hamda kuz-qish mavsumini betalafot o‘tkazish bo‘yicha tegishli tavsiya va topshiriqlar berildi.
🌏Ta’kidlanganidek, ijtimoiy soha obyektlarini kuz-qish mavsumiga puxta tayyorlash aholiga sifatli va uzluksiz xizmat ko‘rsatishni ta’minlashda muhim ahamiyat kasb etadi. Bu borada amalga oshirilayotgan ishlar deputatlik nazorati doirasida izchil davom ettiriladi.