Xalq deputatlari Jondor tumani Kengashi deputati I. Xolov hamda O‘zbekiston XDP Jondor tumani kengashi raisi B. Enazarovlar hamkorligida O‘zbekiston Respublikasi Prezidentining “2026 — 2028 yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ–393-sonli qarori ijrosini ta’minlash doirasida Bahoriston mahallasida amalga oshirilayotgan qurilish ishlari o‘rganildi.
🔹O‘rganish davomida hududdagi 28-umumiy o‘rta ta’lim maktabi uchun barpo etilayotgan qiymati 2 843 630 ming so‘m bo‘lgan 180 o‘rinli qo‘shimcha bino qurilishining borishi ko‘zdan kechirildi. Qurilish-montaj ishlarining sifati, belgilangan muddatlarga amal qilinishi, obyektning zamonaviy talablar asosida barpo etilishi, transformatorni atrofini o‘rash, elektr havo liniyasiga ulash hamda qozonxona faoliyatini tiklash yuzasidan mas’ullarga tegishli tavsiya va takliflar bildirildi.
🔹Ta’kidlanganidek, mazkur qo‘shimcha o‘quv binosi foydalanishga topshirilgach, maktabdagi o‘quvchilar uchun yanada keng va qulay ta’lim muhiti yaratiladi, sinf xonalari yetishmovchiligi bartaraf etilib, ta’lim sifati va o‘quv jarayoni samaradorligini oshirishga xizmat qiladi.
🔹Xalq deputatlari Jondor tumani Kengashi deputatlari tomonidan Prezident qarorlari ijrosi, aholi uchun muhim bo‘lgan ijtimoiy obyektlarda olib borilayotgan ishlar yuzasidan jamoatchilik nazorati va o‘rganishlar izchil davom ettirilmoqda.