Oltiariq tumani hokimi, tuman Kengashi deputati Sh.Turdaliyev Toshkent mahallasida “yettilik” faoliyati hamda erishlgan
natijalar yuzasidan muhokama o‘tkazdi

 

Muhokamada tuman hokimi o'rinbosari X.Atajanova, mahalla yettiligining tuman darajasidagi raxbarlari, tuman Kengashi deputatlari ishtirok etishdi. Mahalla “yettiligi”ning aholi bilan ishlash samaradorligi, muammolarni manzilli hal etish va ijtimoiy
masalalarni bartaraf qilish borasidagi faoliyat muhokama qilindi. Shuningdek, hududlarning obodonchiligi, ko‘chalar va jamoat joylarini tartibga keltirish bo‘yicha amalga oshirilayotgan ishlar ko‘zdan kechirildi. Mavjud muammolarni qisqa muddatlarda bartaraf etish yuzasidan mas’ullarga vazifalar belgilab berildi. Uchrashuvlda aholi bandligini ta’minlash, yangi ish o‘rinlari yaratish, tadbirkorlik tashabbuslarini qo‘llab-quvvatlash va kambag‘allikni qisqartirish borasidagi imkoniyatlardan samarali foydalanish masalalariga alohida e’tibor qaratildi.