🇺🇿 O‘zbekiston Respublikasining **“Oziq-ovqat mahsulotining sifati va xavfsizligi to‘g‘risida”**gi Qonuni (483-I-son) ijrosini ta’minlash maqsadida Xalq deputatlari Shovot tumani Kengashi kotibiyati mudiri Masharipov Izzat Masharipovich hamda Kengash kotibiyati bosh mutaxassisi Ro‘zmetov Umrbek Shavkatovich tomonidan tumanning Shovot mahalla fuqarolar yig‘inidagi “Do‘stlik” ko‘chasida faoliyat yuritayotgan savdo do‘konlari o‘rganildi.
🛒 O‘rganish davomida:
🔹 oziq-ovqat mahsulotlarining saqlanish sharoitlari;
🔹 yaroqlilik muddati va markirovkalari;
🔹 sanitariya-gigiyena talablariga rioya etilishi;
🔹 iste’molchilarga sifatli va xavfsiz mahsulotlar yetkazib berilishi holatlari ko‘zdan kechirildi.
⚖️ Shuningdek, savdo shoxobchalari mas’ullariga amaldagi qonunchilik talablari yuzasidan tushuntirishlar berilib, aniqlangan kamchiliklarni bartaraf etish bo‘yicha tavsiyalar bildirildi.
🤝 Bunday o‘rganishlar aholining sog‘lig‘ini muhofaza qilish, iste’molchilar huquqlarini ta’minlash hamda oziq-ovqat mahsulotlari xavfsizligi ustidan jamoatchilik nazoratini kuchaytirishga xizmat qiladi.