🏥 Tibbiyot xodimlari bilan ochiq muloqot: muammo va takliflar o‘rganildi

Xalq deputatlari Sherobod tumani Kengashining 7-Boybuloq saylov okrugi deputati L. Xakimova hamda Kengash kotibiyati bosh mutaxassisi Sh. Xo‘janazarov tomonidan “Boybuloq” mahallasi hududida joylashgan Tuman tibbiyot birlashmasiga qarashli 80-sonli oilaviy poliklinikada faoliyat yuritayotgan tibbiyot xodimlari bilan uchrashuv tashkil etildi.

🤝 Ochiq muloqot shaklida o‘tkazilgan uchrashuvda tibbiyot xodimlarining mehnat faoliyati davomida duch kelayotgan muammolari, mavjud shart-sharoitlar, sohaga oid taklif va tashabbuslari atroflicha tinglandi.

💬 Bildirilgan murojaat va takliflar yuzasidan fikr almashilib, mavjud masalalarni o‘rganish, ularni tegishli tashkilotlar bilan hamkorlikda hal etish hamda tibbiyot xodimlari faoliyati uchun zarur sharoitlarni yanada yaxshilash bo‘yicha fikrlar bildirildi.

📚 Shuningdek, O‘zbekiston Respublikasining “Dori vositalari va farmatsevtika faoliyati to‘g‘risida”gi O‘RQ-399-sonli Qonuni ijrosi yuzasidan tibbiyot xodimlari o‘rtasida savolnoma asosida o‘rganish ishlari olib borildi.

📝 Savolnoma jarayonida qonun talablarining mazmun-mohiyati, dori vositalaridan oqilona va belgilangan tartibda foydalanish, farmatsevtika faoliyatiga oid me’yoriy talablar bo‘yicha xodimlarning xabardorlik darajasi o‘rganildi.