ISSIQLIK TA’MINOTI XIZMATLARI BO‘YICHA O‘RGANISH OLIB BORILDI

Xalq deputatlari Navoiy shahar Kengashi deputati Irgasheva Nilufar Uralovna, Kengash kotibiyati mudiri Jo‘rabek Hafizov hamda bosh mutaxassis Diyorbek Toyirov  Kengashning navbatdagi sessiyasi kun tartibiga kiritiladigan masala yuzasidan “Issiqlik ta’minoti” MChJ Navoiy filialida o‘rganish olib bordilar.

🔹 O‘rganish davomida aholiga ko‘rsatilayotgan issiqlik energiyasi va issiq suv xizmatlari uchun hisob-kitoblarni amalga oshirish hamda to‘lov tartibini takomillashtirish bo‘yicha takliflar atroflicha ko‘rib chiqildi.

🔹 Shuningdek, iste’molchilar uchun qulay shart-sharoitlar yaratish, xizmatlar uchun hisob-kitoblarning shaffofligini ta’minlash, to‘lovlarni amalga oshirish tartibini yanada takomillashtirish hamda aholining murojaatlari va takliflarini inobatga olish masalalariga e’tibor qaratildi.

⚖️ O‘rganish ishlari O‘zbekiston Respublikasi Vazirlar Mahkamasining 2014-yil 15-iyuldagi 194-son qarori bilan tasdiqlangan “Ko‘p kvartirali uylarda issiqlik ta’minoti xizmatlari ko‘rsatish qoidalari” talablari asosida amalga oshirildi.

📋 O‘rganish yakunlari bo‘yicha aholiga ko‘rsatilayotgan issiqlik energiyasi va issiq suv xizmatlari uchun hisob-kitob hamda to‘lov tartibini takomillashtirish yuzasidan tegishli takliflar shakllantirildi.

Mazkur masalani Kengashning navbatdagi sessiyasi kun tartibiga kiritish va belgilangan tartibda ko‘rib chiqish nazarda tutilgan.