Xalq deputatlari Mirzo Ulug‘bek tumani Kengashi deputati, O‘zbekiston Ekologik partiyasi a’zosi Nasridinova Shoxida Taufikovnaning “Katta Oltintepa” mahallasi “Salom” ko‘chasi fuqarolari tomonidan ushbu ko‘chadagi elektr simlarini tartibga keltirish yuzasidan tuman Elektr tarmoqlari korxonasi rahbari nomiga yuvorilgan deputat so‘roviga rasmiy javob olindi.

Javob xatida ma’lum qilinishicha, deputat so‘rovida ko‘rsatilgan holat yuzasidan mutaxassislar ishtirokida hududga chiqib o‘rganish ishlari olib borilgan.

O‘rganish natijasida “Katta Oltintepa” mahallasi “Salom” ko‘chasidagi elektr sim yog‘ochlardagi kabellar joriy yilning
IV-chorak yakuniga qadar tartibga keltirilishi ma’lum qilingan.

Mazkur masala yuzasidan olib borilayotgan ishlar Xalq deputatlari Mirzo Ulug‘bek tumani Kengashi deputati Shoxida Nasridinova tomonidan nazoratga olinib, fuqarolar murojaatlarida ko‘tarilgan masalalarning ijrosi yuzasidan monitoring ishlari davom ettiriladi.