#doimiy_komissiya_faoliyati

Xalq deputatlari Toshkent viloyati Kengashining Yoshlar siyosati, madaniyat va sport masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilish kun tartibida O‘zbekiston Respublikasi Prezidentining 2026-yil 2-iyundagi “Madaniyat, san’at va adabiyot sohalarini yanada rivojlantirish bo‘yicha keng ko‘lamli chora-tadbirlar to‘g‘risida”gi 103-son Farmoni ijrosini ta’minlash masalalari muhokama qilindi. Xususan, Toshkent viloyatida 2026-yil davomida o‘tkazilishi rejalashtirilgan madaniy tadbirlar, konsert dasturlari va tomoshalarning yillik rejasini tasdiqlash yuzasidan mas’ul tashkilotlarning axborotlari eshitildi hamda tegishli taklif va tavsiyalar bildirildi.

Shuningdek, doimiy komissiyaning tasdiqlangan ish rejasiga muvofiq viloyatdagi madaniyat va sport muassasalari faoliyatini o‘rganish natijalari ko‘rib chiqildi. Muhokamalar davomida mavjud infratuzilma holati, aholiga ko‘rsatilayotgan madaniy va sport xizmatlari sifati, yoshlarning bo‘sh vaqtini mazmunli tashkil etish hamda sohada uchrayotgan muammolar yuzasidan fikr almashildi.

Yig‘ilish yakunida ko‘rib chiqilgan masalalar bo‘yicha doimiy komissiyaning tegishli qarori qabul qilinib, mas’ul tashkilotlarga aniq vazifalar va tavsiyalar belgilab berildi.

📱 Telegram 📱 Instagram 📱 Facebook