YANGI IQTISODIY DAVR
STRATEGIYASI: GLOBAL INVESTITSIYALAR VA MINTAQAVIY TARAQQIYOT UYG‘UNLIGI
Toshkent xalqaro investitsiya forumi O‘zbekiston va butun Markaziy Osiyo
iqtisodiyoti uchun strategik ahamiyatga ega bo‘ldi. Forumda mamlakat huquqiy
barqarorlik, Angliya huquqi tizimi, Angliya huquq tizimi joriyatida bo‘lish, Angliya
huquqi, Angliya huquqi tizimi qo'llash, Angliya huquq tizimi qo'llash kabi
qadamlar ahamiyatini tomon tomon qo'shtirayotgan kapitalni jalb etishga yordam
beradi. Iqtisodiyotga so'nggi besh yilda 123 milliard dollar kiritilgan, lekin
yangi imkoniyatlar ushbu sifatdan o'tadi. Yer osti ehtimoli, turizm salohiyati
va raqamli taraqqiyotga qaratilgan loyihalar iqtisodiy taraqqiyotni
kuchaytiradi. Bular xalq uchun ish joylarini, zamonaviy texnologiyalarni, farovonlikni amalga oshiradi.
Toshkent xalqaro investitsiya forumi nafaqat O‘zbekiston, balki butun
Markaziy Osiyo mintaqasining iqtisodiy qiyofasini belgilab beruvchi strategik
platformaga aylandi. Mazkur anjumanning nufuzi yildan-yilga ortib, dunyoning
100 dan ziyod mamlakatidan 10 mingga yaqin ishtirokchini o‘zida jamlagani Yangi
O‘zbekistonda amalga oshirilayotgan islohotlarning xalqaro miqyosdagi tan
olinishidir.

Prezident Shavkat Mirziyoyevning forumdagi ma’ruzasi mamlakatimiz iqtisodiyoti
yangi — yanada yuqori sur’atli va keng imkoniyatli bosqichga chiqqanidan
dalolat beradi. Investor uchun eng birinchi omil — bu huquqiy barqarorlik va
kapital xavfsizligi. Forumda Toshkent xalqaro moliya markazini tashkil etish
hamda unda Angliya huquqi tizimini joriy qilish bo‘yicha ilgari surilgan
tashabbus mamlakatimizga yirik moliyaviy oqimlarni jalb etishning asosiy
drayveri bo‘ladi. Foyda, mol-mulk va bojxona to‘lovlarining nol darajaga
tushirilishi, shuningdek, kapitalning erkin harakatlanishiga berilayotgan 50
yillik kafolat xalqaro sarmoyadorlar uchun O‘zbekistonni eng jozibador
manzillardan biriga aylantiradi.

Birlashgan Millatlar Tashkilotining Mediatsiya to‘g‘risidagi Singapur
konvensiyasiga qo‘shilish niyati esa tadbirkorlik subyektlari o‘rtasidagi
nizolarni xalqaro andozalar asosida hal etishning mustahkam kafolatidir.

Mamlakatimiz iqtisodiyotiga so‘nggi besh yilda 123 milliard dollar investitsiya
kiritilgani katta natija bo‘lsa-da, oldimizda turgan imkoniyatlar bundan bir
necha barobar yuqori. Ayniqsa, yer osti boyliklarimizning umumiy qiymati 3
trillion dollar deb baholanishi va ushbu sohada "qazib olishdan tayyor
mahsulotgacha" bo‘lgan zanjirni yaratish uchun "Kelajak
metallari" texnoparklarining tashkil etilishi iqtisodiy o‘sishni sifat
jihatidan yangilaydi.

Strategik xomashyo zaxiralarini qayta ishlashga xorijiy texnologiyalarni jalb
etish orqali sanoatda yuqori texnologiyali mahsulotlar hajmini 2,5 barobarga
oshirish maqsadi iqtisodiyotimizning eksport salohiyatini tubdan kuchaytiradi.

Iqtisodiy tahlillar va dunyo tajribasi shuni ko‘rsatmoqdaki, turizm tarmog‘i
har qanday davlat iqtisodiyoti uchun "oltin zaxira" hisoblanadi.
O‘zbekistonning yiliga 15-20 million sayyohni qabul qilish va 15 milliard
dollarlik xizmatlar ko‘rsatish salohiyatiga ega ekanligi bu sohani iqtisodiyotning
yetakchi tarmoqlaridan biriga aylantirish zarurligini ko‘rsatadi.

Shu o‘rinda, urbanizatsiya darajasini 65 foizga yetkazish va "Yangi
Toshkent", "Yangi Buxoro" kabi megasanoat va turizm markazlarini
barpo etish yo‘nalishidagi loyihalar qurilish va servis sohalariga milliardlab
dollar sarmoya olib keladi. Davlat-xususiy sheriklik asosida amalga
oshiriladigan 27 milliard dollarlik loyihalar hududiy infratuzilmani
modernizatsiya qilishda muhim ahamiyat kasb etadi.

Global kapital xaritasi o‘zgarayotgan bugungi kunda sun’iy intellekt va
"yashil" energiya taraqqiyotning o‘q ildizi hisoblanadi. Energetika
balansida qayta tiklanuvchi manbalar ulushini 54 foizga yetkazish hamda
Qoraqalpog‘istonda sun’iy intellekt loyihalari va data-markazlar uchun soliq va
bojlardan ozod etilgan maxsus zonalarning yaratilishi O‘zbekistonni mintaqaviy
raqamli xabga (hub) aylantiradi.

Toshkent investitsiya forumi doirasida bildirilgan g‘oyalar va imzolangan
bitimlar shunchaki raqamlar emas, balki xalqimiz uchun yangi ish o‘rinlari,
zamonaviy texnologiyalar va farovon hayot demakdir. Iqtisodiyotimizning jadal
o‘sib, yalpi ichki mahsulot hajmi 180 milliard dollardan ortishi kutilayotgani
tanlangan yo‘lning to‘g‘riligini tasdiqlaydi.

Azamjon Kamolov

Xalq deputatlari tuman Kengashi deputati