Hududdagi investitsiya loyihalarini o‘rganish ishlari davom etmoqda.

📍 Xalq deputatlari Taxiatosh tumani Kengashi kotibiyati mudiri, Oʻzbekiston Ekologik partiyasidan saylangan deputat Matniyazov Akbar Qadirovich hamda Qoraqalpog‘iston Respublikasi Jo‘qorg‘i Kengesi deputati Djumamuratova Mukarrama Saliyevna ekspert guruhi a’zolari bilan birgalikda “TALEEM” MChJ tomonidan amalga oshirilayotgan investitsiya loyihasi bilan tanishdi.

🎓 Mazkur loyiha doirasida “Markaziy” MFY hududida zamonaviy o‘quv markazi qurilishi rejalashtirilgan bo‘lib:
🔹 1,3 mlrd so‘m investitsiya kiritilishi;
🔹 10 ta yangi ish o‘rni yaratilishi;
🔹 ta’lim xizmatlari uchun qo‘shimcha qulayliklar yaratilishi ko‘zda tutilgan.

🔍 O‘rganish davomida qurilish ishlari boshlanganligi, loyiha hujjatlari tayyorlanayotgani hamda tadbirkorga zarur amaliy ko‘mak ko‘rsatish bo‘yicha tavsiyalar berilgani qayd etildi.

📌 Bugungi kunda 300 nafardan ortiq yoshlarga ta’lim xizmatlari ko‘rsatib kelayotgan markazning yangi binosi foydalanishga topshirilgach, o‘quv jarayonining sifati va qamrovi yanada kengayishi kutilmoqda.