Sessiyada tuman ijtimoiy-iqtisodiy rivojlanishi, aholi murojaatlari bilan ishlash, yoshlar bandligi hamda mahalliy budjet mablag‘laridan samarali foydalanishga oid qator muhim masalalar ko‘rib chiqildi.

 Sessiya kun tartibidan quyidagi masalalar o‘rin oldi:

Bog‘ot tuman hokimi J.Nazarovning xalq murojaatlari bilan ishlash tizimini yangi darajaga koʻtarish va jamoatchilik fikrini chuqur tahlil qilish boʻyicha Qarshi shahri tajribasi asosida amalga oshiriladigan chora tadbirlar rejasini tasdiqlash hamda 2026-yil 1-chorak davomida amalga oshirilgan ishlar yuzasidan hisoboti toʻgʻrisida

Tuman hokimining shaharsozlik hujjatlari ijrosi yuzasidan amalga oshirilgan ishlar yuzasidan hisoboti toʻgʻrisida

Bog‘ot tumanida oliy o‘quv yurti bitiruvchilarining bandligini ta’minlash bo‘yicha tuman hokimining birinchi o‘rinbosari M.Bekchanovning hisoboti to‘g‘risida

Tumandagi yoshlar uchun yozgi ta’tilni mazmunli va samarali tashkil etishga qaratilgan “Dolzarb 90 kun” chora-tadbirlari dasturi yuzasidan tuman hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari O.Matniyozovning hisoboti to‘g‘risida

Bog‘ot tumani mahalliy budjetining 2026-yil I chorak daromadlar rejasining orttirib bajarilgan qismi hisobidan mablag‘ ajratish to‘g‘risida

Bundan tashqari, sessiya davomida kun tartibidagi boshqa masalalar ham ko‘rib chiqilib, ular yuzasidan tegishli qarorlar qabul qilindi.

Sessiya yakunida deputatlar tomonidan bildirilgan taklif va mulohazalar inobatga olinib, mas’ul rahbarlarga aniq vazifalar hamda topshiriqlar belgilab berildi.