4-sanlı ulıwma bilim beriw mektebiniń filialın ashıw boyınsha usınıslar úyrenildi

♻️ Qaraqalpaqstan Respublikası Joqarǵı Keńesi deputatı F.Palvanova hám Xalıq deputatları Shımbay rayonlıq Keńesi sekretariat baslıǵı M.Zarikeev “Keńes” APJ Qostam hám Qıpshaq awıllarında 4-sanlı ulıwma bilim beriw mektebiniń filialın ashıw boyınsha usınıslar úyrenildi.  

Úyreniw dawamında awıllardaǵı bilim alıwshılar sanı, olardıń mektepke qatnaw sharayatları, oqıw procesin sapalı shólkemlestiriw ushın zárúr bolǵan infrastruktura hám materiallıq-texnikalıq baza jaǵdayı kózden kechirildi.
Sonday-aq, ata-analar hám jergilikli turǵınlar menen ushırasıwlar ótkerilip, olardıń pikir-usınısları tıńlandı. Filial ashıw arqalı balalardıń bilim alıwına qolay sharayat jaratıw, oqıwǵa qatnaw waqıtın qısqartıw hám bilim beriw sapasın jaqsılaw máseleleri muzakere etildi.
Úyreniw nátiyjeleri boyınsha tiyisli shólkemlerge usınıslar tayarlanıp, másele deputatlıq qadaǵalawına alındı.