22-Dovkash okrugidan saylangan deputat B. Sodiqova “Madaniy yurish” mahallasida istiqomat qiluvchi Baxriddinov Elbek Eldor o‘g‘li hamda Baxriddinov Elyor Eldor o‘g‘li holidan xabar oldi.
Uchrashuv davomida farzandlarni vasiylikka olgan onasi bilan samimiy suhbat o‘tkazilib, oilaning bugungi hayoti, farzandlarning ta’lim-tarbiyasi va kelajak rejalari haqida fikr almashildi.
Suhbat jarayonida oilaning murojaat va takliflari tinglanib, mavjud masalalarni hal etish yuzasidan zarur tavsiyalar berildi.
Farzandlarning barkamol voyaga yetishi, ularning jamiyatda munosib o‘rin egallashi yo‘lida doimiy e’tibor va ko‘mak muhim ekani ta’kidlandi.
Inson qadri ulug‘langan yurtimizda mehr va e’tibor har bir oilaga kuch va ishonch bag‘ishlaydi.