Mamlakatimizda madaniyat va adabiyot sohasidagi xalqaro aloqalarni mustahkamlash, xalqlar o‘rtasidagi adabiy do‘stlik va madaniy hamkorlik rishtalarini keng targ‘ib qilish maqsadida tizimli tadbirlar amalga oshirilmoqda. Shu munosabat bilan tashkil etilgan adabiy-madaniy tadbir doirasida Qirg‘iziston va Rossiya Yozuvchilar uyushmasi a’zosi, xalqaro “TURKSOY” medali hamda “Qirg‘iziston madaniyati a’lochisi” ko‘krak nishoni sohibasi, taniqli ijodkor Nosirova Samara Bakirovnaning o‘zbek va qirg‘iz tillarida chop etilgan “Bug‘doy non hidi” (“Buuday nan jyty”) nomli yangi kitobi taqdimoti Andijon viloyat Bobur kutubxonasida bo‘lib o‘tdi. Mazkur kitob o‘zbek va qirg‘iz xalqlari o‘rtasidagi adabiy do‘stlikning yorqin namunasi bo‘lib, Muqimjon Nurboyev tarjimasi va mas’ul muharrirligida, dizayner Oygul Muhammadjonova tomonidan yuqori did bilan nashrga tayyorlangan. Tadbir xalqaro adabiy hamkorlikni yanada mustahkamlash, ushbu madaniy voqeani keng jamoatchilikka yetkazish hamda keng yoritish maqsadida tashkil etildi. Unda xalq deputatlari
Jalaquduq tuman Kengashi raisi Sh. Hayitoxunov hamda viloyat Kengashi deputati O. Nosirov ishtirok etdilar.