Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Respublikasi Prezidentining 2022-yil 7-martdagi PF-87-son Farmoni hamda Vazirlar Mahkamasining 2022-yil 31-martdagi 145-sonli qarorida belgilangan vazifalar ijrosi “Xumson” va “Ugam” mahallalariga birikitrilgan xotin-qizlar faoli X.Saidazimova faoliyati Xalq deputatlari tuman Kengashi raisi O.Babayev tomonidan o‘rganildi.

🔺O‘rganish jarayonida “Xumson” mahallasida ro‘yxatga olingan 70 nafar hamda “Ugam” mahallasidagi 40 nafar "Ayollar daftari"ga kiritilgan xotin-qizlar bilan ishlash holati, ularning bandligini ta’minlash, kasb-hunarga o‘qitish, tadbirkorlikka jalb qilish, ijtimoiy va moddiy qo‘llab-quvvatlash bo‘yicha amalga oshirilayotgan chora-tadbirlar tahlil qilindi.
 Shuningdek, "Ayollar daftari"ga kiritilgan fuqarolarning murojaatlari o‘z vaqtida ko‘rib chiqilayotganligi, ularning bandligini ta’minlash va daromad manbaini yaratish yuzasidan amalga oshirilayotgan ishlar holati o‘rganildi.

🔺Tahlillar natijasida xotin-qizlarning bandligini yanada oshirish, tadbirkorlik faoliyatini yo‘lga qo‘yish uchun imtiyozli kreditlar va subsidiyalardan foydalanish imkoniyatlarini kengaytirish, shuningdek, ijtimoiy xizmatlardan samarali foydalanish bo‘yicha tegishli tavsiyalar berildi.