MUNOSABAT: KUCHLI MAHALLA – KUCHLI DAVLAT POYDEVORIDIR!

Mahalla — jamiyatimizning eng muhim bo‘g‘ini, fuqarolik jamiyatining chinakam ko‘zgusidir.
Bugun mamlakatimizda olib borilayotgan islohotlarning tub mohiyati "Inson qadri uchun" tamoyiliga asoslangan bo‘lib, bu jarayonda mahallalarning o‘rni beqiyosdir.

Shu bois, fuqarolarning o‘zini o‘zi boshqarish tizimini rivojlantirish va bu boradagi saylov jarayonlarini mutlaqo yangi, demokratik bosqichga olib chiqqan 2018-yil 15-oktyabrdagi № O‘RQ-499 sonli Qonun hayotimizda alohida ahamiyatga ega.

Xalq deputatlari Uzun tumani Kengashi raisi sifatida shuni ta’kidlashni istardimki, ushbu qonun xalqimizning o‘z taqdiri va mahallasi kelajagiga bo‘lgan mas’uliyatini tubdan oshirdi.

📌 Qonun nima uchun muhim va u hayotimizda qanday aks etmoqda?
Chinakam Demokratiya: Saylov jarayonlarining ochiqligi, muqobilligi va shaffofligi ta’minlanib, mahallalarga haqiqiy xalq sezgan, el tanigan yetakchilar kelishi uchun huquqiy zamin yaratildi.

Xalqchil Nazorat: Fuqarolarning o‘zini o‘zi boshqarish tizimi mustahkamlanishi tufayli bugun mahallalar nafaqat muammolarni hal etuvchi, balki tuman rivojiga taklif beruvchi katta kuchga aylandi.

Adolat Mezoni: Har bir fuqaro o‘z ovozi orqali mahalladagi ijtimoiy-iqtisodiy jarayonlarni boshqarishda bevosita ishtirok etish imkoniga ega bo‘ldi.

D.Safarova, Xalq deputatlari Uzun tumani Kengashi raisi: "Demokratiya va ochiqlik prinsiplari aynan mahalladan boshlanadi. № O‘RQ-499 sonli Qonun talablari asosida ochiq va adolatli o‘tayotgan saylov tizimi Uzun tumanida ham fuqarolik jamiyatini yanada yuksaltirishga xizmat qilmoqda.

Bizning maqsadimiz — har bir mahallani aholi roziligini ta’minlaydigan adolat maskaniga aylantirishdir."
Munosib saylangan yetakchilar — tumanimiz rivoji, oilalar tinchligi va mahallalar obodligining garovidir!