Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Respublikasi Prezidentining 2025-yil 27-dekabrdagi “2026 – 2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi PQ-393-sonli qaroriga asosan respublika ahamiyatiga ega bo‘lgan D006 va D014 avtomobil yo‘llarini G‘azalkent shahri yaqinida bir-biriga bog‘lash bo‘yicha olib borilayotgan ishlar O‘zbekiston Xalq demokratik partiyasidan saylangan deputat J.Sadirov tomonidan kotibiyat xodimi M.Tursunbayeva ishtirokida o‘rganildi.

🔺O‘rganish davomida loyiha doirasida amalga oshirilayotgan qurilish-montaj ishlari, yo‘l infratuzilmasini yaxshilash, transport qatnovi xavfsizligini ta’minlash hamda belgilangan muddatlarga rioya etilishi masalalariga alohida e’tibor qaratildi. Mas’ul tashkilotlar vakillari tomonidan bajarilgan ishlar va kelgusidagi rejalar yuzasidan ma’lumotlar berildi.

🔺Mazkur loyiha hududning transport-logistika salohiyatini oshirish, aholi va mehmonlar uchun qulay harakatlanish sharoitlarini yaratish, shuningdek, tumanning turizm infratuzilmasini yanada rivojlantirishda muhim ahamiyat kasb etadi. O‘rganish yakunida belgilangan vazifalarning sifatli ijrosi ustidan deputatlik nazorati o‘rnatilganligi ma’lum qilindi.