Xalq deputatlari Bekobod shahar kengashi deputati N.Babayev shahar Dehqon bozorida aholini sifatli va arzon mahsulotlar bilan ta’minlash, narx-navoning barqarorligini saqlash hamda savdo jarayonlarini o‘rganish maqsadida monitoring olib bordi. Bozor
hududidagi savdo rastalari faoliyati ko‘zdan kechirilib, tadbirkorlar bilan muloqot qilindi. Ularning faoliyati uchun yaratilgan
shart-sharoitlar, mavjud muammolar va takliflar o‘rganildi. Shuningdek, bozor hududida sanitariya-gigiyena talablariga qat’iy rioya etilishi, tozalik va tartibni saqlash masalalariga alohida e’tibor qaratildi. Bu borada bozor ma’muriyatiga tegishli topshiriqlar berilib, ijrosi nazoratga olindi. Aholiga qulay va xavfsiz savdo muhitini yaratish, narx-navo barqarorligini ta’minlash hamda tadbirkorlik faoliyatini qo‘llab-quvvatlash bo‘yicha ishlar izchil davom ettirilmoqda.