СЕЛ ЮВИБ ЎТГАН ЙЎЛЛАРНИ ТОЗАЛАШ ИШЛАРИ БОШЛАНДИ
Халқ депутатлари Янгиқўрғон туман Кенгаши депутати Ёқубжонов Жаҳонгир Зокиржонович ташаббуси билан Янгиқўрғон туман ДРСУ масъуллари ҳамкорлигида сел оқибатида ювилиб, ҳаракатланишда ноқулайлик туғдирган йўлларни тозалаш ишлари бошланди.
Олиб борилаётган ишлар давомида йўлларга тўпланиб қолган лойқа, шағал ва чиқиндилар махсус техникалар ёрдамида тозаланиб, аҳоли ва транспорт воситалари ҳаракати учун қулай шароит яратиш чоралари кўрилмоқда.
Депутат томонидан ҳудуддаги мавжуд ҳолат ўрганилиб, масъул ташкилотлар билан ҳамкорликда муаммони тезкор бартараф этиш бўйича амалий ишлар ташкил этилди.
✅ Халқ депутатлари Янгиқўрғон туман Кенгаши депутатлари аҳоли мурожаатлари ва ҳудудлардаги долзарб масалаларни ўрганиш ҳамда уларни ҳал этишда депутатлик назоратини давом эттирмоқда.