Xalıq deputatları Bozataw rayonlıq Keńesi 13-“Porıltaw” saylaw okruginen (ÓzXDP) saylanǵan deputat K.Bisenov tárepinen Aspantay APJ aymaǵındaǵı Porıltaw elatında jaylasqan 10-sanlı mektepke shekemgi bilimlendiriw shólkeminiń iskerliginde júzege kelgen mashqalalı jaǵday boyınsha deputat sorawı kiritildi. 

Ámelge asırılǵan úyreniwler dawamında balalar baqshasın elektr energiyası menen támiyinlep turıwshı tarmaqta elektr kúshleniwi sebepli qısqa tutasıw júzege kelgenligi anıqlandı. Nátiyjede elektr tarmaǵında nasazlıq kelip shıǵıp, mektepke shekemgi bilimlendiriw shólkemi waqtınsha elektr energiyasınan úzildi.
Deputat sorawı tiykarında, mashqalanı tez arada sheshiw maqsetinde tiyisli taraw mákemeleri, rayonlıq elektr tarmaqları bólim qánigeleri hám juwapker shólkemler menen birgelikte úyreniwler alıp barıldı. Házirgi waqıtta mashqalanı tolıq sheshiw maqsetinde tiyisli jumıslar izbe-iz alıp barılmaqta. Sonıń menen bir qatarda balalar baqshasında qáwipsizlik talapların kúsheytiw, elektr sistemaların texnikalıq baqlawdan ótkeriw boyınsha qosımsha shara-ilajlarda belgilenbekte.
Deputat tárepinen usı másele turaqlı baqlawǵa alınǵan bolıp, puqaralar múrájatları hám xalıqtı qıynap atırǵan mashqalalardı óz waqtında sheshiw boyınsha jumıslar dawam ettirilmekte.