Karmana tumani hokimi, xalq deputatlari Karmana tumani Kengashi deputati Sh.Boltayev, 9-Gulobod saylov okrugi deputati G.Shodiyeva hamda mutasaddi tashkilot rahbarlari — tuman prokurori va tuman ichki ishlar bo‘limi boshlig‘i ishtirokida "Kalovot" mahallasida joylashgan “Amin Kids” nodavlat maktabgacha ta’lim tashkiloti faoliyati o‘rganildi.O‘rganish davomida mas’ullar muassasada bolajonlar uchun yaratilgan shart-sharoitlar va ta’lim sifati bilan yaqindan tanishdilar. Tarbiyalanuvchilar bilan samimiy suhbat o‘tkazilib, ular o‘zlari ta’lim olayotgan yo‘nalishlar bo‘yicha egallagan bilim va mahoratlarini namoyish etdilar.
Tashrif davomida tashkilot rahbari bog‘cha hududidagi bo‘sh yer maydonida qo‘shimcha bino qurish va faoliyatni kengaytirish borasidagi rejalarini bayon etib, bu masalada amaliy yordam so‘rab murojaat qildi.
Tuman hokimi Sh.Boltayev loyiha hujjatlari taqdim etilgach, murojaat tegishli tartibda o‘rganib chiqilishini va tadbirkorlik faoliyatini kengaytirish uchun zarur ko‘mak berilishini ta’kidladi.