Шымбай районы «Көнши» МПЖ аймағында райондағы улыўма билим бериў мектеплериниң шақырыўға шекемги басланғыш таярлық оқытыўшылары менен ушырасыў болып өтти.
Илажда Халық депутатлары Шымбай районлық Кеңеси баслығы О.Толыбеков, районлық Қорғаныў ислеп бөлими баслығы Ф.Назаров ҳәм Өзбекстан ХДП Шымбай районлық Кеңеси баслығы С.Нурмамбетовлар қатнасты.
Ушырасыўда депутат О.Толыбеков тәрепинен бүгинги күнде қабыл етилген Нызамлар, Президент Пәрман ҳәм Қарарлары ҳәмде Республиканы социаллық-экономикалық жақтан раўажландырыў бойынша қабыл етилген қарарлар ҳаққында кең түсиник берди. Сондай-ақ, қабыл етилип атырған ҳәр бир ҳуқықый ҳүжжеттиң тийкарында халықтың жасаў шараятын жақсылаў, бәнтлигин тәмийинлеў ҳәм социаллық қорғаўды күшейтиў турғанлығы айрықша атап өтилди.
Ушырасыў соңында тараў хызметкерлерине бул реформалардың мазмун-мәнисин оқыўшы-жаслар ҳәм кең жәмийетшилик арасында үгит-нәсиятлаў, мәҳәллелерде елимизде алып барылып атырған өзгерислерди дурыс жеткерип бериў бойынша анық ўазыйпалар белгилеп берилди.