Xalq deputatlari Marg‘ilon shahar Kengashi tomonidan fuqarolar murojaatlarini o‘z vaqtida o‘rganish va amaliy yechim topishga qaratilgan ishlar izchil davom ettirilmoqda.

Avval xabar qilinganidek, shahar Kengashi kotibiyat mudiri A.Ermatov hamda doimiy komissiya raisi X.Abdurahmonov tomonidan B.Marg‘iloniy mahallasida fuqarolardan kelib tushgan murojaat joyiga chiqqan holda o‘rganilgan edi. O‘rganish jarayonida mahalla faollari va mas’ul tashkilotlar ishtirokida mavjud muammo atroflicha muhokama qilinib, uni bartaraf etish yuzasidan tegishli chora-tadbirlar belgilangan.

Bugungi kunda ushbu murojaat ijobiy yechim topib, Yo‘l harakatini tashkil etish maxsus montaj-ekspluatatsiya boshqarmasi xodimlari tomonidan hududda piyodalar o‘tish yo‘laklarini chizish ishlari olib borilmoqda.

Mazkur amaliy ishlar fuqarolar murojaatlari deputatlar tomonidan qat’iy nazoratga olinayotgani, aholi xavfsizligi va qulayligini ta’minlash borasida tezkor choralar ko‘rilayotganining yana bir amaliy ifodasi bo‘ldi.

Xalq deputatlari Marg‘ilon shahar Kengashi tomonidan aholini qiynayotgan masalalarni joyida o‘rganish, ularni ijobiy hal etishga qaratilgan ishlar davom ettiriladi.