"Миллий тикланиш" демократик партияси Андижон вилоят Кенгаши раиси ўринбосарлари Б.Қурбонов ва З.Авязовалардан иборат ишчи гуруҳнинг Пахтаобод туманидаги ташрифи кенг қамровли ўрганишларга уланиб кетди.
Кун тартибидаги навбатдаги муҳим жараён — Халқ депутатлари Пахтаобод туман Кенгаши депутати Н.Арсланованинг иш фаолияти ва сайловчилар билан олиб бораётган мулоқотлари самарадорлигини ўрганиш бўлди.

Ташрифнинг энг эътиборли қисмларидан бири — ҳудудда Жаҳон тараққиёт банки (Халқаро тикланиш ва тараққиёт банки) дастурига киритилган ижтимоий ва инфратузилма лойиҳаларининг боришини кўздан кечириш бўлди. Хусусан, ушбу нуфузли халқаро дастур доирасида мактаб ҳудудида барпо этилаётган замонавий ёпиқ спорт аренаси (спорт мажмуаси) қурилиш ишлари атрофлича кўздан кечирилди. Бу лойиҳа келгусида ўқувчи ёшларнинг ҳар қандай об-ҳаво шароитида ҳам спорт билан мунтазам шуғулланишлари, соғлом ва баркамол бўлиб улғайишлари учун улкан имконият яратади.
Шунингдек, дастур доирасида амалга оширилаётган бошқа муҳим йўналишлар ҳам таҳлил қилинди:
Ўрганишлар якунида қурилиш ишларини ўз вақтида ва сифатли якунлаш, дастурлар ижросида шаффофликни таъминлаш юзасидан тегишли тавсия ва чора-тадбирлар белгилаб олинди.