ӨЗБЕКСТАН ХДП ШЫМБАЙ РАЙОНЛЫҚ КЕҢЕСИНИҢ IV ПЛЕНУМЫ: ЕСАБАТЛАР ҲӘМ РЕЖЕЛЕР КӨРИП ШЫҒЫЛДЫ

♻️ Өзбекстан Халық демократиялық партиясы Шымбай районлық кеңесиниң IV пленумы болып өтти. Онда Халық депутатлары Шымбай районлық Кеңеси баслығы О.Толыбеков, партияның районлық кеңесиниң ағзалары, Халық депутатлары Шымбай районлық Кеңесиндеги партия топары ағзалары, басланғыш партия шөлкемлериниң баслықлары ҳәм ғалаба хабар қуралларының ўәкиллери қатнасты.

✅Пленум күн тәртибинде партияның Шымбай районлық Атқарыў комитетиниң 2025-жылдағы жумысы бойынша есабаты, Халық депутатлары Шымбай районлық Кеңесиндеги партия топарының искерлиги бойынша мәлимлемеси ҳәм партияның Қарақалпақстан Республикасы Кеңеси пленумының қарарларының мазмун-мәниси көрип шығылды. Пленумды партияның Шымбай районлық кеңесиниң баслығы С.Нурмамбетов ашып берди ҳәм күн тәртибиндеги мәселелер бойынша баянат жасады.

✍️Пленумда күн тәртибиндеги мәселелер бойынша кеңес ағзалары ҳәм депутатлар өз пикир-усынысларын билдирди ҳәм тийисли қарарлар қабыл етилди.