FUQAROLAR MUAMMOLARI DOIMIY DIQQAT-MARKAZIDA
Xalq deputatlari Baxmal tuman Kengashi raisi Abduaziz Zikiryayev tumandagi fuqarolarning murojaatlarini tinglash va ularni ijobiy hal etish maqsadida sayyor uchrashuv o‘tkazdi.

Uchrashuvda ichki yo‘llarni ta’mirlash, infratuzilmani yaxshilash, ichimlik suvi, elektr ta’minoti hamda aholi bandligini ta’minlash kabi eng dolzarb masalalarga alohida e’tibor qaratildi.Kelib tushgan murojaatlar mas’ullar ishtirokida joyida o‘rganilib, ko‘plari tezkor hal etildi. Muddat talab qiladigan muammolar bo‘yicha aniq chora-tadbirlar belgilanib, ijrosi Kengash raisi A.Zikiryayev tomonidan shaxsiy nazoratga olindi.