Tumanda qurilish sohasida amalga oshirilayotgan ishlar o‘rganildi

Tumanni iqtisodiy-ijtimoiy rivojlantirish bo‘yicha belgilangan chora-tadbirlar ijrosini ta’minlash maqsadida qurilish sohasida amalga oshirilayotgan ishlar yuzasidan o‘rganish ishlari olib borildi.

Jumladan, Xalq deputatlari tuman Kengashi kotibiyati mudiri v.v.b A.Jaysanbayev hamda Tomdi tuman hokimining qurilish, to‘siqsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari R.Kunakbayev tomonidan tumanda olib borilayotgan qurilish ishlari, obodonlashtirish va infratuzilmani yaxshilashga qaratilgan tadbirlar o‘rganildi.

O‘rganish davomida qurilish obyektlaridagi ishlar sifati, belgilangan muddatlarga rioya qilinishi, aholi uchun qulay va xavfsiz muhit yaratish hamda hududlarni ko‘kalamzorlashtirish ishlariga alohida e’tibor qaratildi.