O‘rganishlar davomida hudud obodonchiligi va ko‘p qavatli uylarning bugungi holati, chiqindilarni vaqtida olib chiqib ketish xizmatini tartibga solish hamda aholi murojaatlari va kommunal muammolarni bartaraf etish holati ko'zdan kechirildi.

Shuningdek, deputatlar hududda “NEW BRIGHT HOUSES” MCHJ tomonidan barpo etilayotgan zamonaviy ko‘p qavatli turar joy majmuasidagi qurilish jarayonlari bilan tanishdilar. Mazkur yirik loyiha joriy yilning III choragi yakunida to‘liq foydalanishga topshirilishi rejalashtirilgan bo'lib loyiha doirasida ishlarning xalqaro talablarga mosligi tahlil qilindi.

Deputatlar qurilish ishlarining sifatli bajarilishi va belgilangan muddatda yakunlanishi aholi farovonligi uchun o‘ta muhimligini ta’kidlab, mazkur jarayonni doimiy nazorat qilib borishini bildirdi.

O'rganishlar davomida mahalla yettiligining amalga oshirayotgan ishlari muhokama qilindi. Mavjud kamchiliklar yuzasidan mas’ullarga tegishli ko‘rsatmalar berilib, ish faoliyatini yanada samarali tashkil etish bo‘yicha aniq vazifalar belgilandi.